كيف اجعل حبيبي يحبني؟؟

هااي يا جماعه انا حنين (حنوش) ارجو منكم ان تساعدوني في حل مشكلتي انني احبه وكيف ساجعله يحبني ؟؟؟؟؟

يا حبيبتي ؛ هدي بالك وصلي ع النبي!!

.
.
.

بعدك باول المشوار ؛ ادرسي منيح وانتبهي لمستقبلك وبعدينا فكري بالحب وبالشباب!!

.. صدقيني اللي بنحبهم وما بدرو رح يعرفو بدون ما نحكي لانو العيون فضاحه!!

شوفي يا عيني انتي ؛ بالحب ما في شي اسمو اجبار او لاني بحبو لازم يحبني!!!

كل واحد بحب بقلبو وماله سلطه عليه ؛ ولمن الواحد يحب يحمد الله!

انتي حاولي بس انك تروقي شويات وتشوفي انو الموضوع مو مستاهل كل وجع هالراس!!

بكرا قدامك ؛ والاحلى لقدام!!

اصبري .. ليش ما تخليه هو يسال نفسو كيف اقرب منها لاني بحبها!!

اثقلي شويه ؛ لانو الشباب هذا النوع اللي بعترفو بحبهم الو!!

وبعدينا ؛ ما رح توقف الدنيا عند هالبني ادم ؛؛

بتمنالك تلاقي الراحه والحب بس بالوقت المناسب ..

تحياتي لعيونك .. يا ورده

.
.

امممممممم الحب حق كل انسان يا الماس

نظرة وثم ابتسامة ثم غمزة ان شاء الله بيوقع بحبك ههههه وصفة طبية هاي

وانا ايش قلت يا جدوع؟؟!

.. اكيد حق ؛ وكل واحد له حق بياخذه!

بس انا قصدت انو هسا في شي اهم من الحب وبعدها صغيره ؛ يعني تتنبه على دراستها بالاول!!



.
.

يا مسمووووووووسة الحب ما فية عمر ولا غيرو وى مبقولو الحب اعما


والله لا يوريكي الحب وعذاب الحب

بعرف انو الحب ما بيعرف عمر ؛ بس كمانا في عقل!!

الحب اعمى صحيح ؛ بس مو هبل!!

اي حب بسن الـ17؟؟؟!

هاذا مراهقه وقشاوه .. لسا مش واعيه كفايه!!

.
.

زمااااااااااااااااان قالوها ؛
يا ويلي يمااا نت الحب شو بعذب شو بذل!!

.
.

قطعت قلبي يا جدوع ؛

.
.

ع ايش؟؟ ..

....

حبيبة قلبي...
انا اول شي بوافق مع الماس انو الانسان بداية لازم يبنى نفسوا ومستقبلوا ويهتم لدراستو بعدين بفكر بالحب ..
يعني اذا هذا الحب ما بدو ينتهي بالزواج حرام نضيع وقتنا ونضيع انفسنا وحياتنا على شي فاضي وراح ينتهي بيوم من الايام...
وخاصة انو هذا الحب من طرف واحد..
وكيف بدك تخلي يحبك؟؟هذا الموضوع مش بايد حدا غير ربنا لانو قلوبنا جميعا بيد الرحمان هو بختار لقلوبنا مين تحب ومين تبغض ..يعني ممكن هذا الانسان ما عم ينظر لالك زي ما انت بتنظرين اليه..لهيك صعب تغييري مشاعروا..
بس انت ممكن تخلي الاخرين يحبوكي بشخصيتك الجذابة واخلاقك الحميدة واهتمامك بنفسك وتقديرك للناس ومشاعرهم وهيك شغلات..
بس هذا ما بأكد انو ممكن جد يحبك زي ما انت بدك..
انا بشوف انو الانسان بداية لازم يحط سلم اولويات يشوف فعلا هو شو بدو بعدين يقعد يفكر على مهلو باللي بدو اياه..
بتمنى حكيي يكون فادك بس التفتي لاولوياتك بالاول لحتى تنجحي بحياتك..
واصبري واتوكلي على ربنا وهو اكيد ما راح يتركك..
تحياتي الك يا طيبة
وبتمنالك حياة سعيدة يا قمر

[ندعوك للتسجيل في المنتدى أو التعريف بنفسك لمعاينة هذا الرابط] alt="" /> .. تجنني انتي يا ورود ؛ الله يحرسك


.
.
.
.
.

بسم الله الرحمن الرحيم


** والله انا مع الماسه وورود واريج فى كل حرف **


** ولا استطيع اضيف شىء بعدهم **


** تحياتى لكم جميعا **


** قلب من القمر **

.
.
.

يا جماعة ليش انتو بتروحو لموضوع العمر اكثر ليش متجاهلين حب البنت



ولا مش من حقها تحب ؟

الحب لما بيجي ما بعرف لا كبير ولا صغير



الرجاء لا تتجاهلو مشاعر البنت