شعر بدوي روعه

قالت ترى منت بحلو قلت رجـال

والزين ماهو من شروط الرجولـه

الزين يلقى عنـد لباسـة الشـال

والرجل زين ان كان زانت فعولـه

********

قالت علامك تلبس شماغ وعقـاال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشارع بعرضـه وطولـه

********

قالت اجل راعـي معاميـل ودلال

شرب القهاوي تحسبونـه بطولـه

كيفي يابنت الحضر دلـه وفنجـال

وحليب خلفـه بالمـراح معقولــه

وحب الكرم والجود وعلوم الابطال

مغروس فينا من زمـان الطفولـه

********

قالت ترى بنت البدو حظهـا مـال

قلت احذري حذرا تكوني جهولــه

بنت البدو يابنت مضرب للامثـال

فوق الجمال وطاعة الله خجولــه

ماحطة اصباغ ولا حطـت ظـلال

ولا سيرة بالسوق سيـر مهبولـه

هي مهرة تصعب على كـل خيـال

وانتي ومثلك عسفهن بالسهولــه

********
قالت تغزل بي وشف حبة الخــال

ناظر عيوني والرموش الكسولــه

قلت العفو مايجتمع حـب وهبـال

ولكـل ذوق فالمزاييـن جـولـه
********

قلتي وقلت وكلمة الصـدق تنقـال

الزين ماهو من شروط الرجولــه\

شعر مميز وجميل
شعر بدااوي يجنن

شكرا الك

الله محيي البدو واشعارهم

هي مهرة تصعب على كـل خيـال

الله محيي النشامة واهل الجود والكرم
صح لسانك اختي

يسلمووو على المرور

صح لسانك

تسلمي يا عاشقه

عشتي وسلمت يمينكي واجمل والقثيده كلها جميله بس اجمل بيت هو
هي مهرة تصعب على كل خيال
وانتي ومثلك عسفهن بالسهوله

تسلم ايدك ومشكوره

لا شكر على واجب عنيز