البارحه اشرفت انا راس مرقاب............... مرقاب عسر ويتعب اللي رقى به .
وظليت انا سهران لما القمر غاب ..........والعين تذرف دمعـــــــــها كالسحابه .
ومن مثلي مقروص من داب ............. دابن غرس بالجلد من سمً نابـــــــه .
من دنيته صب لنا المرً باكواب........... ثم جرعتني اياه ماقسى شرابــــــــه .
دنيا غريبه وكل يوم لها اعجاب ....... ومن العجب ما تشوف غير الكآبـــــــه .
من بعد ذا طاب الشعر وخاطري طاب ... والقلب دبت به روح الكتابــــــــــــــــه .
ألأوله من خاطري لرب الأرباب ......... الواحد اللي له قـــــــــــــــدر ومهابـــــه .
رب كريم للمخاليق وهـــــــــاب ......... ويعمً خيره ولكـــــــــل واحد منابــــــــــه .
وعلى نبي نزل له الهدى بكتاب ......نبـــــــينا به نفتــــــــخر والصحابــــــــــــه .
ومن بعد ذا اقول انا الناس انساب ...... والكل يرجع للأصل والقرابه .
واللي ينكر اصله تراه ينعاب .......... نذل خسيس وان كان مملي جرابه .
ترى الدراهم ما تسوي لك انساب...... وأنت لفوفه ما تظل لك مهابــــــــه .
وقدرك هو بين ربعك والأحباب ....... ومن دون ربعك ياكلنك الذيــــــــابه .
الرجل لازم في العسيرات ما يهاب .....ويخوض مع ربعه يوم الحرابـــــه .
ترى المواقف تبين رجال واشناب.... فيهم ردي بالعون ما ينهــــــــقابــــــه .
نذل وخسيس ودوم بالهرج كذاب ..... وما ينفعك بنفوع يوم الطلابـــــــــه .
وفيهم عبوس الوجه ملعون نصاب .....دايم على الضيفات معطر اثيــابــــــه .
نقال هرج وزعقته زعقة غراب ....... يجيب لك العلم مزرفــل جـــوابــــــــه .
وبعض الرجال ماتروًح عليه بجناب .... ما يسترك ولا هو يستر جنـــابــــه .
ومن لقمه الصالح مربي له اجعاب...... وجهه عبوس وتعرفه من اصحابه .
وبعض الرجال وجوهم بيض واطياب ... وعدوهم ما يشوف غير الصــــلابه .
يقدموا للضيف مأكل ومشراب ......... وجارهم بالعــــــون محــــفوظ نابــــه .
يقابلوك بمرحبا وانت عالباب ....... ويسقوك من شقـــره حـــــلو شرابـــــــه .
واختامها ذكر النبي وجلً الاصحاب ... بعداد مارضرض وبلً الســــــــــــحابه
الرئيسية
