كلمة ( بدو ) عز لنا نفتخر فيه ]![

.،~
.،~

ياللي تقولين بدوي .. لبدوي شفيه=رجال حالي مثل حال اي رجال

ماني صلبي (ن) ويش جده او ابيه=الا معرب جد واعمام واخوال

( ولد الحمايل ) اسمه لحال يكفيه=يغني عن التعريف في كل الاحوال

ايه بدوي واضحك ولا تسألي ليه ؟؟=لأن البداوه هي فخر كل الاجيال

طيب وظفر ليل وسفر ايه ثم ايه=بنك المراجل كلها مصنع رجال

كلمة ( بدو ) عز لنا نفتخر فيه=فزعه ونخوة ما هم ارخوم وانذال

ربعي يا بنت الناس بيضان لوجيه=من لابة (ن) تاطا على كل عيّال

وآنا بدوي ..ماني بذا اللي عرفتيه=اللي شرى لش كرت واعطاش جوال

ثم خان وانتي قبل ما خان خنتيه=والحب عندش مهنه ولعب جهال

ولي ما يعرف الصقر يا بنت يشويه=وان عودت للرخص اشريش بريال

حتى كلامش لو نفسر معانيه=كلامش شأصله ومن اي مدخال

(موبي ) و(بل) و (ول) و (ويعه) و (آبيه)=في ذمتش هذا حكي ناس ينقال

مفهومش الخاطي غلط !! واتخذتيه=وآنا مجرد أني آصحح اقوال

ايه بدوي واضحك ولا تسألي ليه=لأن البداوه هي فخر كل الأجيال

الله حي البداوه

مشكوووره تيهيه