يا زمان العجايب.. "الروح الراحلة"

يا زمان العجايب وش بعد ماظهر

كل ماقلت هانت جد علمٍ جديد

إن حكينا ندمنا وان سكتنا قهر

بين قلبٍ عطيب وبين خلٍ عنيد

لو تفيد المدامع كان اسيل نهر

مير كثر التوجّد والدمع مايفيد

اصبر ايام واشهر واتصبر دهر

وان حصلّي مناتي جيت لوني بعيد

ارجي الله واراقب كل طالع شهر

يجلي الهم عني أو عساه مايزيد

ياغزالٍ فضوح الزين عنه اشتهر

في عيوني ملاك ووسط قلبي وحيد

مخطي اللي يشبه وجنتك بالزهر

الزهر ماله رماحٍ تصيب وتصيد

لوجحدت المحبه سقم حالي جهر

مير ماكل قلبٍ ياصل اللي يريد

رائعة جديده من روائعك..

سرحت بنا في عالم آخر..

كلمات مميزة بحق..

تحياتي لكِ ..

تحياتي دنيا على المرور اختي الحبيبة ...