هاذي اللي تستميل اهل الهوى غصب بهواها
كل ما فيها هوى راع الهوى معها تجيبه
في وصايفها الغريبه في دلعها في غواها
تغري المغرم بما فيها ومعها تنثنيبه
نجمةٍ يطفي سنا الزينات لاحضرت سناها
كلها ذوق وغريبه كلها نظره غريبه
باهيه فيها الجمال اللي فرقها عن سواها
ماسواها مثلها فيها تعاجيب وعجيبه
العجب فيها وفيها جاذبيه من حلاها
من حلاها تنتحيبي جاذبيتها غصيبه
وردةٍ فيها البها وبكل مافيها تباها
من بهاها من روايع زينها صارت رهيبه
ايةٍ للحسن حسنا تنتحيبي في نحاها
وكل مثلي في نحاها لانظرها تنتحيبه
تنتحيبه وتغديبه لانظر فيها معاها
لانظر فيها معاها ساقته سوق النجيبه
ياعسا كل البنات الشقر جمله من فداها
الطويله والقصيره والبعيده والقريبه
لوروحي من سببها زايدٍ فيها عناها
قلت مسموحه وانا ممنون لوشفت الغليبه
اتحمل لجل طلتها واسامح عن خطاها
لجل طلتها فدا مابي من اجروحٍ عطيبه
الرئيسية
