الى مشرف..القلب.. "الروح الراحة"

صبااحكم/مسااءكم احلى من العسل

يا صاحبي ...
أنا لو ماسألت عنك أوقات و أوقات ..
لا تقول آه من صاحبي قاسي ! ..
و لا تقول ..
ما همّه احساسي ! ..
أنا رغم كثرة أحبابي ..
انت أحلى هلي و ناسي ..
.×.

اشتـاق لك ..
كثر ما باعدت الأيام بيني و بينك ..
كثر كل كلمه قلناها ..
و كل سالفه حكيناها ..
و كل ضحكه ضحكناها ..
و كثر شوقي إذا طوّلت في غيابك ..
و كثر فرحي إذا يوصلني بعد الغيبه مرسالك ..
.×.

مهما زاد الجفا
و انقطع مرسالي ..
مهما طال الزمن
و اختفى وصالي ..
لا يخدعك يا خلي
مظهر اعتزالي ..
المحبه بـ القلوب
و الذكرى ما غابت عن بالي ..
و مكانة الغالي
دايم بـ العالي ..
" هـذي الحقيـقه " ..
ما يحتاج أثبتها بـ رسايل جوالي ..
.×.

عشرة عمر ما تنسى كلها سرور ..
و شلون أبنسى ما مضى لي معاهم ..
يبوني أبعد و الغلا حيل محفور ..
في وسط قلبٍ ما له إلا رضاهم ..
لا مر يوم دونهم كنّه شهور ..
تظلم مساحات الفرح من غلاهم ..
.×.

طيفك يمر بـ خاطري دايم الدوم ..
و من كثر ما أذكرك ضاعت صلاتي ..
يرتاح بالي ان لفتني منّك علوم ..
و ان دق هاتفي قلت هذا غناتي ..
هل كيف انا بنساك يا زين ما اروم ..
لحظة فراقك كنّها لحظة مماتي ..
.×.

هديّه لـ من احببت ..
إذا كنت تريد الجنّه ..
فـ الزم الصلاه ..
و ان كنت تريد الغنى ..
فـ الزم الاستغفار ..
و ان كنت تريد المحبّه ..
فـ الزم الإبتسامه ..
و ان كنت تريد السعاده ..
فـ الزم الإستغفار ..
" انشرها جعلها الله صدقه جاريه لي و لك
تنفعنا بعد الممات " ..
.×.

لا تظن في شي ينسّيني غلاك ..
لو تطول أيامي حبّي لك يزيد ..
و لا تظن البعد ياخذ من غلاك ..
و لا تظن راح أعز غيرك و أدوّر من جديد ..
ما اتغير دام لي قلبٍ معاك ..
مخلص بـ حبّك و غيرك ما أريد ..
أذكرك دايم و لا أقدر أنساك ..
أسعد بـ قربك و لو انّك بعيد ..
.×.

أجمل غلا و أجمل محبه تمسّيك ..
يذوب معها خافقي فيك كلّك ..
كل المشاعر بـ الغلا ذايبه فيك ..
آمر تدلل كل ما تبي فدوةٍ لك ..
لبيك ..
ثم لبيك ..
لبيك ..
لبيــك ..
يـ اللي غلاكم لـ المشاعر تملك ..
.×.

أدري بـ تقول بـ نفسك ..
ما بغيت أطري في باله ..
هذا قاطع و بايع العشره و شايف حاله ..
بس و ربي كل ظنونك مُجرد ظنون ..
و قلبي يحبّك لـ حد الجنون ..
كل الحكايه اني أدوّر لك رساله ..
تليق بـ مقامك يا أغلى حنون ..
.×.

صبحك المولى بـ رضوانه ..
و بلّغك عفوه و غفرانه ..
و جعلك من السابقين إلى روضات جنّاته ..
و أكرمك بـ النظر إلى سبحات وجهه و نورانه ..
و أسعدك كما يسعد الشهيد
بـ صحبة أهله و اخوانه ..
اللهم آمين ..
.×.

و مِن عَجَبِي انّي احنُ لهُم ..
وَ اسأل عَنهُمْ مَنْ أرَى وَ هُمْ مَعِي ..
وَ ترصُدُهُمْ عَينِي وَ هُمْ فِي سَوَادُها ..
وَ يَشْتَاقَهُمْ قَلْبِي وَ هُمْ بَيْنَ أضْلُعِي ..
.×.

لو أبعدتني عن سماك المقادير ..
قدرك بـ قلبي يا رفيع المقامي ..
ترى لك بـ قلبي معزّه و تقدير ..
تبقى لو آخذ عنك سبعين عامي ..
عشرة وفا ما هي مغشّه و تزوير ..
و لا هي علوم مزيفين الكلامي ..
.×.

و الله لو بـ يدي لـ اخليك مرتاح ..
و أعطيك راحتي و أزيدك عليها ..
و تصبح حياتك كلها أفراح بـ أفراح ..
و أرسم لك البسمه و أحسسك فيها ..
و أعطيك لـ أبواب المقابيل مفتاح ..
و تمشي لك الدنيا على ما تبيها ..
.×.

مسّيت يا أعز المخاليق بـ الخير ..
يا كيف حالك عسى حياتك سعيده ..
أحلم بـ شوفك حلم عطشان لـ البير ..
و أحسب مسافات الليالي البعيده ..
بس المُهم تكون مرتاح و بـ خير ..
و إلا اللقا ملحوق بـ أيام جديده ..
.×.

يعلم الله لك وسط قلبي غلا ..
ما هقيت أحد ٍ خذاه غير الخوات ..
لكن انتي غير عن كل الملا ..
صرتي اختي و الغلا و الاُمنيات ..
قلبي اللي لك من الحُب امتلا ..
ما يجف إلا إذا خذني الممات ..
.×.

اشتقت لك بـ الامس و اليوم مشتاق ..
و باكر إذا شفتك يزيد اشتياقي ..
لـ حبك يزيد الحُب و تزيد الأشواق ..
و يزيد من بين الضلوع احترامي ..
الله جمع فيك الحلاوه و الأخلاق ..
مثلك لا دوّرت ماني بـ لاقي ..
.×.
لا تسأل المشتاق ليه أرسل اليوم ..
و لا تعذل القلب إذا باح بـ اسراره ..
يـ الله عسى الخير لك دايم يدوم ..
و الغالي واجب نتطمن لى أخباره ..
و جعل السعاده تضمك في كل يوم ..
و دوم قلبك بـ الفرح مشعل أنواره ..
.×.

مشتاق لك يا سيد الناس مشتاق ..
ليتني معك أو ليت زولك يجيني ..
الله يجمعنا بلا بعد و فراق ..
و لا يحول البعد بينك و بيني ..
صوتك يوسع خاطري كل ما ضاق ..
و تبعد همومي لا لمحتك بـ عيني ..
.×.

أبطي و لكن داخل القلب ما انساك ..
تشغلني الدنيا و بلشان فيها ..
قدرك على راسي و حاشمك و أدراك ..
و غلاك في قلبي على ما تبيها ..
اسلم و دم و الزم و هذا الوفا جاك ..
بـ أبيات من صافي الفكر منتقيها ..
.×.

لو طالت الأيام ماني بـ ناسيك ..
لو طالت المده و طوّل دهرها ..
ابيع كل الناس يا زين و أشريك ..
و الناس لـ اجلك مستعد أخسرها ..
يفز قلبي كل ما مر طاريك ..
و مشاعري تلعن لـ دارك سفرها ..
يا كثر ما احبك يا كثر ما أغليك ..
يـ الغالي لك عيوني و نظرها ..
.×.

اعذرني
ما وصفتك بـ العمر ..
العمر لو طال نعرف منتهاه ..
و اعذريني
ما وصفتك بـ القمر ..
القمر له يوم يفقد ضياه ..
و اعذرني
لو تجاهلت الزهر ..
الزهر له يوم يفقد شذاه ..
انتِ أكبر من حروفي و الشعر ..
انتِ وصف ما لقيته بـ الحياه ..
.×.

احترت ..
وش أكتب لـ انسان أغليته ؟! ..
على كل الناس و الدنيا أغليته ..
ضاع الكلام و ضاع الشعر و بيته ..
أدري ..
إني لو بعت لـ خاطره عيني ما وفيته ..
.×.

انا اللي عنك أشغلنّي ظروف ٍ حيل تشقيني ..
ظروف ٍ ما بها رحمه .. ظروف ٍ ما بها غفران ..
همومي باتت أفراحي و دمعي هو يعزيني ..
و صرت أشبه بـ مسجون و وقتي صار لي سجّان ..
أنا مقصّر مع أهلي و ربعي و كل مغليني ..
و إذا قصّرت في حقّك .. أنا آسف أنا غلطان ..
إذا همّك تخلّيني .. فمان الله خلّيني ..
و لكن اعرفي انّك تركتيني بلا عصيان ..
و لكن كان لي مطلب أمانه لا ترديني ..
ترجي الله يلعنّي إذا مثلي لقيتي انسان ..
.×.
قل الرسايل ترى ما يعني الهجران ..
و ان طالت الغيبه ترى اللقا واصل ..
و طول المسافه ترى ما يحرم الوجدان ..
من وصل محبوبه و ما يشغله شاغل ..
و ان كنت انا مقصّر ترى اعترف غلطان ..
انا بشــر .. ما فـ البشر كامل ..
.×.

سلام يا من اسكنته في فؤادي ..
كل المشاعر في كياني تناجيك ..
لك هاجس في كل لحظه ينادي ..
انت العزيز و بـ صادق الود مغليك ..
بـ الحيــــــــل أعزّك لا يهمّك غيابي ..
ما غاب عن فكري خيالك و طاريك ..
.×.

لو تنقلب دنياي هم ٍ على همْ ..

لو تنزف عيوني بدل دمعها دمْ ..

لو جروحي ما عاد تلتمْ ..

أكثر من ام في طفلها تهتمْ ..

و لجل عيونك بـ اذوق السمْ ..

اذوق السم

اذوق السم

.×.

ابتعدنـا ..
و يشهد الله ان قلبي لك قريب ..
ابتعدنـا ..
و في خيالي صورتك عيّت تغيب ..
ابتعدنـا ..
و شوقي لك حاضر و دايم يزيد ..
ابتعدنـا ..
و البعد بين الحبايب ما هو بعيد ..
ابتعدنـا .. و ابتعدنــا .. و ابتعدنـــا ..
و لـ اللقا لازم نعيد ..
.×

.

أدري تحسبني نسيتك يا بعد حالي ..
و تحسب ان البعد ينسّيني هواك ..
اسمع ترى بـ اقولها بـ صوت عالي ..
أعزك و عمر القلب ما ينسى غلاك ..
و نسيت أقول لك آسف على قلة سؤالي ..
بس أعرف ان المشاعر على طول وياك ..
.×

.
قلبي عليكم بـ الغلا دوم نشّاد ..
قلبي وفيّ ما نسى يوم غالي ..
كيف الذي متربّع ٍ وسط الفواد ..
لك في ضميري شي ما له مثالي ..
ادعي من الله يحفظك رب العباد ..
من كل مكروه على كل حالي ..
.

×.

في غيابك مدري أحيا أو أموت ..
ترسم أقسى الدروب تحفر الآهات ..
بـ عروقي سدود ..
و تغرس دموعي على خدّي حدود ..
في غيابك .. أموت .. أموت ..
و كافي تعرف إني في غيابك
ما لي بهـ الدنيا وجود ..
.

×.
لو ضاقت الدنيا على راعي الطيب ..
يبقى شذى طيبه على الناس طايب ..
احد ٍ سجد لـ الله ذل ٍ و تهذيب ..
و احد ٍ بقى وسط الملذات ذايب ..
في كل يوم تشرق الشمس و تغيب ..
تبقى رفيق الطيب لو كنت غايب ..
.×

.

بعض البشر عالي مقامه و لو غاب ..
مثل النقوش اللي بقت في حجرها ..
مرّت عليها دهور و عصور و أحقاب ..
عيّت تروح اخلاص لـ اللي حفرها ..
و انا بـ قلبي نقش من سيد الاحباب ..
فجّر ينابيع الغلا و احتكرها ..
.×

.
ما هو بخل لو ما جاك مكتوب ..
و ما هو ثقل لو الصوتـ ماجـك..
و لو تاه الشوق لا تقول ملعوب ..
صدّقني كلّي انا فدى رضاك ..
لكن وقتي غالب و انا مغلوب ..
و انا ظرفي على حبّك تحداك ..
و منّي وعد من عشقك ما اتوب ..
و مستحيل قلبي في لحظه ينساك ..
.

×.

طيفك مكفّي يا بعد قلب مغليك ..
يكفي وجودك في حياتي مكفّي ..
ليت العمر يهدا .. و الله لـ أهديك ..
لحظاتي الحلوه و أسكّر ملفي ..
أعاهدك بـ الله ماني مخلّيك ..
لين قلبي النابض أحسّه مطفي ..
خذ الوعد منّي بـ حبّي أغطيّك ..
وعدي و إذا قلته .. تراني موفّي ..
.

×.
يسعد صباحك
يا نور القلب و الناظر ..
يـ اللي صباحك يداعب ثغر بسماتك ..
يسعد صباحك ..
و لون الورد متناثر ..
على خدودك و يحلا بـ ابتساماتك ..
يسعد صباحك ..
و يسعد قلبك الطاهر ..
يا من تفردت في طبعك و عاداتك ..
.×.

جيتك و في كفّي نبت زهر و ورود ..
و لك بـ الضمير الحي شوق و محبّه ..
خذ من فؤادي أصدق الحُب بـ عهود ..
و خذ من حنايا القلب جمر ٍ و شبّه ..
مانيب من قوله على فاه مردود ..
و لانيب من باع الخفوق و كسب به ..
و لا نيب من يطلب على حكيه شهود ..
و لانيب من حكيه كثير مسبّه ..
و ما كل من يعشق هوى البيض عهود ..
و ما كل زول ٍ لو تزيّن نحبّه ..
.

و لجل عيونك بـ اذوق السمْ ..

اقتباس :: مهما زاد الجفا
و انقطع مرسالي ..
مهما طال الزمن
و اختفى وصالي ..
لا يخدعك يا خلي
مظهر اعتزالي ..
المحبه بـ القلوب
و الذكرى ما غابت عن بالي ..
و مكانة الغالي
دايم بـ العالي ..
" هـذي الحقيـقه " ..
ما يحتاج أثبتها بـ رسايل جوالي ..
.×.

نفساً غاليه ؛

و ... جمال الإدمان

!!

تحياتي الماس على المرور .. بأبسط العبر ...

الى مشرف..القلب.. "الروح الراحة" T015

بعض البشر عالي مقامه و لو غاب ..
مثل النقوش اللي بقت في حجرها ..
مرّت عليها دهور و عصور و أحقاب ..
عيّت تروح اخلاص لـ اللي حفرها ..
و انا بـ قلبي نقش من سيد الاحباب ..
فجّر ينابيع الغلا و احتكرها

يسلمو جداااااااا

اشتـاق لك ..
كثر ما باعدت الأيام بيني و بينك ..
كثر كل كلمه قلناها ..
و كل سالفه حكيناها ..
و كل ضحكه ضحكناها ..
و كثر شوقي إذا طوّلت في غيابك ..
و كثر فرحي إذا يوصلني بعد الغيبه مرسالك

يسلمووو

تحياتي لك تالا وبدوية على المرور اخواتي ..

الى مشرف..القلب.. "الروح الراحة" 446-Thanks